Tuesday, November 28, 2017

Ekskurso al antikva lago Ĥuvsgul, Mongolio

Ni invitas vin al nia ekskurso en Ulanbatoro-la ĉefurbo de Mongolio, kaj Nacia Parko de Ĥuvsgul.
Dato: 18-25 junio 2018
Organizantoj: Mongola Esperanto-Societo kaj mongola turisma kompanio "i nomadic" LLC

Bonvenon Esperanto- kaj neesperanto-grupoj kaj unuopuloj!

Jen estas video-prezentaĵoj pri la turisma kampadejo:
1a prezentaĵo pri la turisma kampadejo ĉe la lago Ĥuvsgul
2a prezentaĵo pri la kampadejo

1. Ulanbatoro estas ĉefurbo de Mongolio. Ĝi estis fondita en la jaro1639 kun nomo Urgoo, proksime de Mongola antikva ĉefurbo Ĥaraĥorum, kaj translokiĝinte ĉirkaŭ 20-foje tra la valoj de riveroj Orĥon, Selenge kaj Tuul, en jaro 1778 finlokiĝis en la nuna loko kun nomo Iĥ (iĥ) Ĥuree. 
En la jaro 1911 Mongolio liberiĝis el Manĉuria  imperio (Qing-dinastio) kaj proklamis Gvidanton de Mongola Budhismo Bogd Ĝavzandamba kiel Reĝon de Mongolio, sendependa ŝtato. Okaze de tio, la nomo de ĉefurbo ankaŭ ŝanĝiĝis kiel Nijslel Ĥuree. 
Tamen, en jaro 1921 venkis en Mongolio popola revolucio kaj en 1924 forpasis la lasta Mongola Reĝo. En 1924 proklamitis Mongola Popola Respubliko, de tiam la ĉefurbo estas nomita Ulaanbaatar, kio signifas „Ruĝa Heroo“.
Nun Ulanbatoro havas 1.3 miliono da loĝantaro. Ulanbatoro estas politika, ekonomia, kultura, edukada kaj scienca centro de Mongolio, la plej granda urbo de la lando.
Pri Ulanbatoro en Vikipedio 

2. Pri la lago Ĥuvsgul
Ĝi situas en nordokcidenta parto-montarbara regiono de la lando. Naturo de la regiono estas tre pitoreska, kaj riĉa je diversaj specoj de animalo kaj planto. La lago estas plej profunda, freŝa kaj granda en Mongolio kaj estas unu el plej antikvaj en la mondo. Mongoloj nomas la lagon kiel blua perlo. Ĝi jariĝas 2 milionoj da jaroj. En la lagon enverŝas 46 riveroj, sed nur unu rivero Eg estas eliranta el ĝi. La rivero Eg kuniĝante kun riverego Selenge atingas al lago Bajkalo. Inter la lagoj Bajkalo kaj Ĥuvsgul distancas nur 200 km. Oni diras ke la lagoj estas gefrataj lagoj kiuj kunligitaj subtere.

Surfaca areo: 2760 km.kv
Maksimuma longo: 136 km
Maksimuma larĝo: 36.5 km
Akva volumeno: 1480 km3
Maksimuma profundo 267 m
Averaĝa profundo 138 m
Situo: Nordokcedanta Mongolio

Pri la lago en Esperanto
Pri la lago en angla 


ITINERO

1a tago
Akcepto ĉe Ulanbatora flughaveno aŭ trajna stacio
Enhoteliĝo kaj manĝado.
Prezentado pri la itinero, mongola kulturo kaj historio, vidindaĵoj kaj pri la naciaj parkoj Huvsgul kaj Terelj.  
Interkona vespero. Vespermanĝo kun lokaj esperantistoj. 

2a tago
Matenmanĝo. 
Gandan templo-Budhisma centro de Mongolio. 
Veturo al la lago Ĥuvsgul (880 km, survoje tranoktas ĉe turisma kampadejo)
Tagmanĝo en la urbo Erdenet.
Veturo al survoja turisma kampadejo.
Enloĝigo.
Vespermanĝo.
Libertempo.

3a tago
Matenmanĝo.
Veturo al kampadejo ĉe la lago Ĥuvsgul (survoje: cervoŝtonoj kaj pitoreska naturo)
Enloĝigo (2 personoj en la Gero, mongola tradicia loĝejo-gastejo) kaj ripozo.
Tagmanĝo.
Piedmarŝo ĉe la lago kaj al Sant Ovoo, sankta ŝamanisma loko ĉe pinto de monteto. De sur la monteto oni rigardas panoramon de la lago. Reveno.
Koncerto de folklora grupeto de la kampadejo. 
Libertempo (oni povas ĉevalrajdi, skribi mongolan kaligrafion, naĝi en la lago, filmeto pri mongola kulturo).
Vespermanĝo. Rigardi stelojn kaj vino-gustumo.
Saŭnumo kaj piedmasaĝo (laŭvole). 

4a tago
Matenmanĝo. 
Veturo al boac-bredanta tendaro ĉe rivero Bugat (20 km, aŭtomaŝine aŭ ĉevale kaj piedmarŝe) 
La boac-bredanta popolo loĝas tutjare nur en sia tendo, eĉ dum frosta vintro. Ili kredas ŝamanismon. Dum via restado en la turisma kampadejo vi spertos la ŝamanisman kulton. 
Pri boac-bredanta popolo (en angla lingvo) 
Post survoja pikniko ĉeval- kaj bovĉare atingos al la tendaro.
Tagmanĝo ĉe la tendaro.
Prezentiĝo de ĉiutaga vivado kaj bredado de la boacistoj.
Revene povas bovrajdi (laŭvole).
Vespermanĝo ĉe la kampadejo.
Fajra festeto. Internacia vespero.
Saŭnumo kaj masaĝo (laŭvole).

5a tago
Matenmanĝo.
Revene al Ulanbatoro, fotiĝo ĉe latitudo kaj longitudo 50:100 (ĝi troviĝas nur 3 en la mondo)
Enloĝigo ĉe la survoja kampadejo. Tagmanĝo. Libertempo.
Vespermanĝo kaj tranokto ĉe la kampadejo.

6a tago
Matenmanĝo.
Daŭra veturo al Ulanbatoro. Enhoteliĝo en Ulanbatora hotelo.
Tagmanĝo ĉe la hotelo. 
Nacia muzeo.
Komuna fotiĝo ĉe la centra placo (antaŭ la parlamenta palaco). 
Zajsan-monteto por vidi panoramon de Ulanbatoro.
Grandvendejoj.
Koncerto de Nacia Ensemblo de Popola Folkloro.
Vespermanĝo.
Ripozo. 

7a tago
Matenmangho.
Veturo al granda statuo de Ĉingis-Ĥano (80 km)
Muzeo de Ĉingis-Ĥano sub la statuo.
Tagmanĝo.
Vizito al folklora vilaĝeto "La 13a Jarcento".
Reveno.
Vizitoj al grandvendejoj.
Vespermanĝo. 

8a tago 
Veturo al flughaveno aŭ trajnstacio. Adiaŭo.

VETURILO: Turisma komforta aŭtobuso.

KOTIZO: 856 eŭrojLa kotizo inkluzivas 2-litan hotelon en Ulanbatoro, 2-litan gastejon en kampadejo, tri manĝojn ĉiutage, enirbiletojn, enurban kaj kamparan transportadon. Tiu(j) kiu(j) preferas 1-litan ĉambron, aldone mem pagas diferencon. La programo ŝanĝeblas pro neatendita kazo kaj situacio aŭ laŭvolo de ekskursantoj. Antaŭ via vojaĝo, bv mem aranĝi vian asekuron.

ALIĜOJ kaj demandoj al Mongola Esperanto-Societo: 
mn_esperanto@yahoo.com 

Nia peto: Se vi decidas partopreni la ekskurson, do ni petas vin ju pli frue aliĝi, ĉar tio des pli faciligus mendon de viaj lokoj en la hotelo, kampadejaj gastejoj kaj en koncertejo de la Nacia Ensemblo de Popola Folkloro. Ĉar amaso da turistoj vizitas Mongolion precipe dum somero. Tial, rekomendindaj estas viaj flugoj kaj/aŭ trajnoj al/el Mongolio. 

Jen fotoj de la kampadejo ĉe la lago Ĥuvsgul





















Fotoj pri boac-bredanta nomada popolo










No comments:

Post a Comment